مَالك يا دُنيا

كلمات / أسماء مندور
مَالك يا دُنيا غريبة
ليكى مِيت وش وّش
كل ماأفتكرك حَبيبة
وقَريبة تطلعيلى وش
مع إنى ماليش غير وش
وشُوشِك كِترت يا دنيا
مره غَدر ومره كِذب
والنفاق بقى فى الوِش
مَفيش لا خِشا ولا حَيا
وشوش قادرة على الغِش
……………
سِياسى عامل شريف
وناشط عامل تشويش
وسلطاوى شايف غيره
مافيش
وانا المَغلوب على أمره
أخر أمانيّة إنى أعيش
نِفسى أعيش بكرامة
وأكل عيش
قالوا كرامة خلاص مافيش
سوقها جبر وماتلاقيش
عاوز تعيش عيش بس
صوت عالى ما فيش
…………
قلت طب الإنسانية قالوا
دى رفاهية
قلت والعدالة الإجتماعية
قالوا لا دى بقى مَنسية مَنسية
إحمد رَبك وعيش بلاش طمع
كفاية عليك إنك تعيش
وأنا قلت بالأمل هَعيش و غير
ربى ماليش .
حتى الحِلم ممنوع تحلم بغير
المَسموح
أصل ال فى الضمير والنوايا
بيفوح
قلت حتى الحلم بقى بشروط
بَس من غير الحلم نِموت
………….
حُطوا شروط وحُطوا قيود
الحِلم جوانا عمره ماهيموت
ربك كريم وجَبار وبيعطى من
غير حدود
الحِلم هَيفضل جوانا ورَبك
مَوجود
قادر يوهبنا القوة والسند
نحقق الحِلم والأمل